ՎԱՆԵՑՅԱՆԸ ՉԻ ԹԱՔՑՆՈՒՄ, ՈՐ ՖՈՒՏԲՈԼԻՑ ՉԻ ՀԱՍԿԱՆՈՒՄ

Ֆուտբոլի ֆեդերացիայի նախագահ , ԱԱԾ տնօրեն Արթուր Վանեցյանն այսօր լրագրողների հետ զրույցում փորձեց մխիթարել մեզ Հայաստան-Ջիբրալթար խաղում մեր խայտառակ պարտության համար՝ ինքը ևս դա խայտառակություն և ամոթ որակելով։ Ապա խնդրեց մի փոքր համբերել և նկատեց․ «Ով հասկանում է ֆուտբոլից, շատ լավ հասկանում է, որ չենք կարա մենք օդից ունենալ Մեսսիներ, Ռոնալդուներ»։

Hraparak.am-ի դիտարկմանը, թե ինքը հասկանո՞ւմ է ֆուտբոլից, Արթուր Վանեցյանը խոստովանեց, որ լավ չի հասկանում։ «Գիտե՞ք ինչ, ֆուտբոլից հասկանալը, եթե վերցնենք, որ ես, ասենք, գլխավոր մարզչի կամ պրոֆեսիոնալ ֆուտբոլային մասնագետների պես հասկանում եմ, իհարկե չեմ հասկանում։ Ես դա չեմ թաքցնում, ես ասում եմ, որ չեմ հասկանում»,-ասաց նա։

Այդ դեպքում ինչպե՞ս է քաղաքականություն մշակում, եթե չի հասկանում։ «Ուրեմն ֆեդերացիայի նախագահի գործը և, առհասարակ, ֆեդերացիայի գործը հավաքականի խաղերով չի գնահատվում։ ֆեդերացիայի նախագահը, ֆեդերացիայի գործկոմը և, առհասարակ, ֆեդերացիան զբաղվում են ֆուտբոլի զարգացմամբ, ֆուտբոլի մասսայականացմամբ, ֆուտբոլի կազմակերպչական հարցերով, ենթակառուցվածքների ստեղծման հարցերով, բժշկական ծառայությունների մատուցման և այլն, և այլն»։

Վահե ՄԱԿԱՐՅԱՆ

Источник:  https://www.hraparak.am/posts/5bc5abd85b5dd506a29bdbda/վանեցյանը-չի-թաքցնում-որ-ֆուտբոլից-չի-հասկանում

3 ՕՐ ԱՌԱՋ ԵՐԴՎԵՑ, ԱՅՍՕՐ ՄԵԿՆՈՒՄ Է ՓԱՐԻԶ՝ ՔԱՂԱՔԱՊԵՏԻ ՊԱՇՏՈՆԸ ՆՇԵԼՈՒ

Ընդամենը հոկտեմբերի 13-ին երդում տված Երեւանի քաղաքապետ Հայկ Մարությանն իր առաջին հրամաններից մեկով ինքն իրեն գործուղել է Փարիզ։ Հրամանի մեջ հղում է կատարված Փարիզի քաղաքապետ Անն Իդալգոյի հրավերին։ Այսօր՝ հոկտեմբերի 16-ին, նա երկօրյա այցով մեկնում է, կվերադառնա 17-ին։

Թվում էր՝ նորընտիր քաղաքապետի առաջին գործը պետք է լինի իր պարտականությունների մեջ խորանալը, քաղաքային տնտեսությանը եւ քաղաքապետարանի աշխատակազմին ծանոթանալը, որ իմացության պակասը հնարավորինս արագ լրացնի։ Բացի այդ՝ ընդամենը մի քանի օրից՝ հոկտեմբերի 20-21-ին Երեւանի տոնն է՝ նշելու ենք մայրաքաղաքի 2800-ամյակը, եւ քաղաքապետը, թվում էր՝ շունչ քաշելու ժամանակ չպիտի ունենա այս օրերին։ Բայց Հայկ Մարությանը նախընտրել է Փարիզ մեկնել՝ իր կյանքում աննախադեպ այս առաջընթացը՝ քաղաքապետ դառնալը, շքեղ նշելու։

ՀԳ․ Եթե սրան հավելենք նաեւ, որ հոկտեմբերի 15-ից Փարիզում է նաեւ կրթության և գիտության նախարար Արայիկ Հարությունյանը, որտեղից նրա գլխավորած պատվիրակությունը հոկտեմբերի 17-ին մեկնելու է Գերմանիա, պարզ կդառնա, որ նոր իշխանությունների մոտ ամենից լավ շրջագայելու գործն է ստացվում։

Источник: https://www.hraparak.am/posts/5bc5a7125b5dd506a29bdbd8/3-օր-առաջ-երդվեց-այսօր-մեկնում-է-փարիզ-քաղաքապետի-պաշտոնը-նշելու

Արթուր Վանեցյանի բաջանաղն ու քավորը՝ նախարարներ. «Ժամանակ»

 

«Ժամանակ» թերթը գրում է. «Էներգետիկայի և բնական պաշարների նախարար նշանակված Գարեգին Բաղրամյանը ԱԱԾ տնօրեն Արթուր Վանեցյանի բաջանաղն է, այսպես կոչված՝ քենակալը: Հենց այս հանգամանքն է վճռորոշ եղել նրա՝ սկզբում փոխնախարար, ապա և նախարար նշանակվելու հարցում: Բաղրամյանը ոչ մի կապ չունի էներգետիկայի հետ, նա վերջին 15 տարիներին աշխատել է ՀԾԿՀ-ում և ըստ որոշ տեղեկությունների՝ եղել է հանձնաժողովի նախագահ Ռոբերտ Նազարյանի նալոգ հավաքողը: Դրանով է բացատրվում նաև այն հանգամանքը, որ նախարար Բաղրամյանը կտրուկ դեմ է արտահայտվում գազի և էլեկտրաէներգիայի սակագների նվազեցման հնարավորությանը. չի կարող, չէ՞, մարդը հակադրվել իր շեֆին, թեկուզ նախկին, ում հավատարմորեն ծառայել է 15 տարի: Հավելենք, որ նոր կառավարությունում Վանեցյանը երկու հովանավորյալ ունի. արտակարգ իրավիճակների նախարար Ֆելիքս Ցոլակյանն էլ Վանեցյանի քավորն է, և իր նշանակման համար պարտական է հենց այդ կապին: Չնայած նոր իշխանությունները կարող են պնդել, որ Հայաստանում կոռուպցիան, հովանավորչությունը, բաջանաղությունն ու քավոր-սանիկությունը վերացել են: Սրանք զուտ պատահական համընկնումներ են»: 

Источник: https://armlur.am/847875/ 

«Գրավյալ» որոշ տարածքների վերադարձն անխուսափելի է. ԱՄՆ դեսպան

Հայաստանում իր առաքելությունն ավարտող ԱՄՆ դեսպան Ռիչարդ Միլսն ասել է, որ Լեռնային Ղարաբաղի հակամարտությունը չի կարող կարգավորվել առանց «գրավյալ տարածքների որոշակի մասի վերադարձի»: Նրա խոսքով, Հայաստանի ժողովուրդը պետք է որոշումներ կայացնի այն մասին, թե ինչն ընդունելի իր համար: «Ինձ զարմացնում է այն փաստը, որ Հայաստանում գրեթե քննարկում չկա ընդունելի լուծման կամ հնարավոր փոխզիջումների մասին»,- ասել է նա: «Այն, ինչ լսել եմ, փոքր-ինչ անհանգստացնող է, քանի որ թվում է, որ մենք հետքայլ ենք կատարել: Երբ նոր էի Հայաստան ժամանել, հայտնաբերեցի, որ իմ հանդիպած հայերի մեծ մասը միանշանակ դեմ էին գրավյալ տարածքների վերադարձին՝ բանակցային կարգավորման շրջանակում: Իմ կառավարության երկար տարիների ընկալումն այն էր, որ այդ տարածքներն ի սկզբանե վերցվել էին՝ հետագայում «հող՝ խաղաղության դիմաց» բանաձեւում օգտագործվելու համար: Իսկապես շատ զարմացած էի հայտնաբերել, որ այդ տարբերակն այլեւս որեւէ աջակցություն չունի», – ասել է Ռիչարդ Միլսը: ԱՄՆ դեսպանը նշել է, որ հասկանում է, որ 2016 թվականի ապրիլյան պատերազմն էլ ավելի է սրել հայերի ընկալումները: «Սակայն դաժան իրականությունն այն է, որ ցանկացած կարգավորում պահանջելու է գրավյալ տարածքների որոշակի մասի վերադարձ»: 

Источник: https://armlur.am/847978/