Հայաստանի հանրապետական կուսակցություն. գազի հարցով մեծ հարցական կա

Երեւանի համար որպես հղում պետք է ծառայեն Հայաստանի Հանրապետության Սահմանադրությունը եւ օրենքները, այլ ոչ թե քաղաքական գործընթացները:  NEWS.am-ի թղթակցի հետ զրույցում հայտարարել է ՀՀԿ մամուլի խոսնակ Էդուարդ Շարմազանովը՝ մեկնաբանելով երկրի նախկին նախագահի շուրջ ստեղծված իրադրությունը, մասնավորապես, Ռուսաստանի նախագահ Վլադիմիր Պուտինի Ամանորի եւ Սուրբ Ծննդյան տոների կապակցությամբ շնորհավորանքը` ուղղված Հայաստանի նախկին նախագահ Ռոբերտ Քոչարյանին։

Շարմազանովի խոսքերով, այն, ինչ տեղի է ունենում Հայաստանի երկրորդ նախագահ եւ Լեռնային Ղարաբաղի Հանրապետության առաջին նախագահ Ռոբերտ Քոչարյանի նկատմամբ, քաղաքական վենդետա է: «Ինչ վերաբերում է Վլադիմիր Վլադիմիրովիչի եւ Ռոբերտ Սեդրակովիչի հարաբերություններին, ապա ես ուզում եմ ասել, որ մենք գիտենք, որ երկու ղեկավարների միջեւ շատ վստահելի եւ բարեկամական հարաբերություններ են ձեւավորվել: Եվ, ընդհանրապես, ի շահ երկու ժողովուրդների եւ երկու երկրների բարօրության է լինում, երբ Հայաստանի եւ Ռուսաստանի ղեկավարները, գործընկերային եւ ընկերային հարաբերություներին զուգահեռ նաեւ ընկերներ են դառնում», - նկատել է նա: 

Հարցին՝ արդյոք նա կարծում է, որ այդ շնորհավորանքով Մոսկվան, կարծես թե, Երեւանին ազդանշան է ուղարկում Հայաստանի նկատմամբ զիջումների գնալու, ասենք, գազի գների հարցում՝ Ռոբերտ Քոչարյանի ազատ արձակման դիմաց, Ազգային Ժողովի նախկին փոխխոսնակը պատասխանեց, որ ինքը նման տեղեկատվության չի տիրապետում: «Սակայն գազի գնի հարցում մեծ հարցական կա: Այն առաջվա պես դեռ լուծված չէ», - հայտարարել է Էդուարդ Շարմազանովը։

Հիշեցնենք, որ Ռոբերտ Քոչարյանը դեկտեմբերի 7-ից կալանքի տակ է: Շնորհավորական ուղերձի մասին հաղորդվել է Ռուսաստանի նախագահ Վլադիմիր Պուտինի եւ Հայաստանի վարչապետի պաշտոնակատար Նիկոլ Փաշինյանի միջեւ բանակցությունների ավարտից մի քանի ժամ անց: Վերջինս, Երեւան վերադառնալով, արդեն հասցրել է հայտարարել, որ Հայաստանին մատակարարվող գազի գնի վերաբերյալ համաձայնություն դեռ ձեռք չի բերվել։

Источник: https://news.am/arm/news/488523.html

Владимир Путин поздравил Роберта Кочаряна с Новым Годом и Рождеством Христовым

Президент России Владимир Путин направил Роберту Кочаряну новогоднее поздравительное послание, сообщают из канцелярии экс-президента РА.

Поздравляя Кочаряна с наступающими праздниками, Путин пожелал ему доброго здоровья, стойкости и крепости духа.

Напомним, что Роберт Кочарян в настоящее время находится под арестом.

Источник: http://www.yerkramas.org/article/148307/vladimir-putin-pozdravil-roberta-kocharyana-s-novym-godom-i-rozhdestvom-xristovym

Գնացել էր, որ Կրեմլ այցելող ղեկավարների շարքում ռեկորդակիր դառնա՞ր. Շարմազանովը՝ Փաշինյանի Մոսկվա այցի մասին

Չեմ կարող դատողություններ անել Հայաստանի եւ Ռուսաստանի ղեկավարների միջանձնային հարաբերությունների մասին, սակայն որպես քաղաքական գործիչ եւ ԱԺ նախկին փոխխոսնակ կարող եմ դատողություններ անել պաշտոնական հարաբերությունների  եւ դրանց արդյունավետության մասով։  Այս մասին NEWS.am–ի հետ զրույցում նշել է ՀՀԿ խոսնակ Էդուարդ Շարմազանովը։  

Նրա խոսքով՝ վարչապետի պաշտոնակատար Նիկոլ Փաշինյանի կառավարման ժամանակահատվածում հայ–ռուսական հարաբերությունները չեն զարգացել, իսկ քաղաքական երկխոսությունը կառուցվում է հայկական կողմից բացառապես կենացների մակարդակում։

«Տեսնում ենք, որ ՀԱՊԿ–ին առնչվող հարցերում կազմակերպության գործընկերների միջեւ փոխըմբռնում չկա։ ՀԱՊԿ հարցում պայմանավորվածություն չկա, Ղարաբաղի առնչությամբ նույնպես չկա։ Հարց է առաջանում՝ այդ դեպքում ինչո՞ւ էր Մոսկվա մեկնել։ Ինչո՞ւ է պետական միջոցները ծախսում։ Այն բանի համար, որ ռեկորդակիր դառնա եւ մտնի Մոսկվա հաճախ այցելող պետության ղեկավարիների թոփ եռյակ։ Ցանկանում է առաջինը լինել, հա՞»,–զարմանում է Շարմազանովը՝ հավելելով, որ ոչ մի օգուտ չի տեսել դեկտեմբերի 27-ին Փաշինյնաի՝ Մոսկվա կատարած այցից։

ՀՀԿ մամուլի խոսնակը նկատում է, որ վարչապետ Նիկոլ Փաշինյանը ըստ էության արել է ամեն ինչ, որ Հայաստանը զրկվեր ՀԱՊԿ գլխավոր քարտուղարի պաշտոնից, իսկ այդ հարցը, ըստ էության, արդեն լուծված է. «Եվ, ընհանրապես, ինչպե՞ս կարելի է աշխարհի ամենաազդեցիկ քաղաքական գործիչներից մեկի, դաշնակից երկրի եւ ԵԱՀԿ Մինսկի խմբի համանախագահ երկրի հետ չքննարկել ԼՂ համակարտության հարցը»,–նշեց նա։

Источник: https://news.am/arm/news/488521.html