Հայաստանի շուկայում թուրքական պոմիդորների խնդիրն արդիական է նաեւ «թավշյա հեղափոխությունից» հետո. ֆերմեր

Հայաստանի շուկայում թուրքական պոմիդորների խնդիրն արդիական է նաեւ «թավշյա հեղափոխությունից» հետո: Դեկտեմբերի 18-ին լրագրողների հետ հանդիպման ժամանակ այս մասին հայտարարեց ֆերմեր Վարուժան Խոդեդանյանը:

Ըստ նրա, «թավշյա հեղափոխությունից» հետո ոչինչ չի փոխվել, ավելին՝  կարող ենք այս հարցում հետընթացի մասին խոսել: «Թուրքական պոմիդորի խնդիրը միշտ եղել է հայկական շուկայում: Սակայն եթե նախկինում միայն մեկ մենաշնորհային ընկերություն էր զբաղվում թուրքական պոմիդորի ներկրմամբ, ապա այժմ շատ մասնավոր ներկրողներ զբաղվում են ներմուծմամբ, ինչը շուկայում ծավալը մեծացրել է», - պարզաբանեց նա:

Նա հավելեց, որ դա խոչընդոտում է ֆերմերների եւ ջերմոցների տերերի գործունեությանը:

«Եթե այսօր հայկական շուկայում թուրքական պոմիդորների մեծածախ գինը 200 դրամ է, ապա հայկական պոմիդորների գինը 500 դրամ է», - նկատեց նա:

Ֆերմեր Սամվել Մկրտումյանի խոսքով, գյուղատնտեսությունում զբաղված է բնակչության մոտ 45 տոկոսը, սակայն չգիտես ինչու իրենց որոշումների լուծման հարցում իշխանությունների կողմից պասիվություն է նկատվում:

 «Այսօր շատ է խոսվում տեղեկատվական տեխնոլոգիաների եւ տնտեսության այլ բնագավառների զարգացման մասին, սակայն ոչ մեկը չի խոսում  գյուղատնտեսության մասին: Այս հարցը պետք է առաջնային լինի Նիկոլ Փաշինյանի համար», - ասաց գյուղացին:

Սամվել Մկրտումյանը կարծում է, որ հայ ֆերմերների խնդրի միակ լուծումը կարող է լինել միայն թուրքական պոմիդորների ներմուծման արգելքը:  Սակայն նա չկարողացավ հստակ պատասխան տալ այն հարցին, թե ինչպես են հայ արտադրողները պատրաստվում փոխհատուցել այդպիսի զարգացումների դեպքում արտադրանքի հնարավոր պակասը:

Источник: https://news.am/arm/news/486905.html

Փոստանջյանը Փաշինյանին մեղադրում է պետական դավաճանության մեջ

«Արցախում փոփոխություններն անօրինական էին, պաշտոնանկությունները նախաձեռնվել են Հայաստանից։ Թույլ է տրվել օրենքի կոպիտ խախտում, որն ունի քաղաքական շարժառիթներ»,- այսօր տեղի ուենցած մամուլի ասուլիսի ժամանակ ասաց «Երկիր Ծիրանի» կուսակցության նախագահ Զարուհի Փոստանջյանը։

«Ոչ մեկի համար գաղտնիք չէ, որ ապրիլ-մայիս ամիսներին Հայաստանում տեղի ունեցած իրադարձություններն իրենց հիմքում ներառել են նաև Արցախյան խնդիրը։ Այո, արցախապատկան տարածքների հանձնման վերաբերյալ օրակարգ գոյություն ունի, և այն նոր չէ։ Պարտադրանքներն ակնհայտ են, ասվածի վկայությունն են սահմանին ադրբեջանական զորքի կուտակումները։նՓաշինյանը Բեյրությում հայտարարեց, որ ինքը կգնա բանակցությունների, և եթե կլինի մի առաջարկ, որն իրեն կհամոզի, այն  կներկայացնի ժողովրդին, այուհետ՝ արցախահայությանը։ Մինչդեռ սկզբունքորեն պետք  է հայտարարություն հնչեր, որ մենք նման առաջարկների կարիքը չունենք և չենք գնալու բանակցությունների։ Հատկապես առաջին անգամ, երբ նա Ստեփանակերտում հայտարարեց, որ առանց Արցախի բանակցությունների սեղանի շուրջ չենք նստելու։ Մինչդեռ այդ հայտարարությունբից հետո հայտարարվում է , որ, այո, կբանակցի, և նաև բանակցել է, որի մասին մենք իմացանք, որ իբրև թե վերելակում նրանք հանդիպում են ունեցել Իլհամ Ալիևի հետ և ինչ-որ հարցերի շուրջ պայմանավորվածություն են ձեռք բերել։ Այս անձը, ով այսօր Հայաստանի վարչապետի ժամանակավոր պաշտոնակատարն է, կարծումե մ՝ նախապես ուներ պայմանավորվածություններ հենց հող հանձնելու վերաբերյալ։ Ես, այո, իրեն մեղադրում եմ և նախորդին էլ էի մեղադրել պետական դավաճանության մեջ։ Նա և Սերժ Սարգսյանը նույն՝ հող հանձնելու ծրագիրն են սպասարկում»,- ասաց բանախոսը։

Զարուհի Փոստանջյանը խիստ վտանգավոր համարեց այն հանգամանքը, որ որոշ տեղեկություններով ադրբեջանական զորքը Նախիջևանի հետ սահմանին 500 մետրի չափով առաջ է եկել։

Անդրադառնալով Ռոբերտ Քոչարյանի և Սամվել Մայրապետյանի գործերին՝ նա նշեց, որ կալանքը պետք է լինի բացառիկ միջոց։

«Սակայն դա բացառիկ միջոց չի եղել։ Այդ մարդիկ ապօրինի են գտնվում կալանքի տակ»,- ասաց նա։

Դիտարկմանը, որ շատերի պնդմամբ՝ Նիկոլ Փաշինյանը Լևոն Տեր-Պերոսյանի նախագիծն է, Փոստանջյանը շեշտեց՝ այստեղ խոսքը ոչ թե այդ երկու անձանց նմանության, այլ կրկնության մասին է։ «Ուղղակի սերնդափոխություն է տեղի ունեցել։ Նիկոլ Փաշինյանը կարող է Լևոն Տեր-Պետրոսյանի որդին լինել, Փաշինյանը նրան դիտարկել է իր հոգևոր հայր»,- ընդգծեց նա։

Հարցին՝ արդյոք նոր ձևավորված խորհրդարանում ունենք  ընդդիմություն, բանախոսը բացասական պատասխան հնչեցրեց։

Լրագրողները նաև հետաքրքրվեցին՝ ինչպես Փոստանջյանը կմեկնաբանի ԲՀԿ-ԼՀԿ հակամարտությունը։ «Սա ծրագրված սցենար էր, այսպիսի բանավեճը միտված է նրան, որ հանրության ուշադրությունը շեղեն իրական մարտահրավերներից։ Թատորնը պետք է այսպես մատուցեն, որ մարդիկ թմրևեն»,- ասաց նա։

Աղբյուր` Panorama.am
Источник: https://www.panorama.am/am/news/2018/12/18/Արցախ-փոփոխություն/2049272

Երևանի բյուջեն հետընթաց է նույնիսկ 2018թ-ի բյուջեի համեմատ. «Լույս» դաշինք

Երևանի ավագանու «Լույս» Խմբակցությունը հետընթաց է համարում Երևանի բյուջեի նախագիծը։ Խմբակցության տարածած հայտարարության մեջ ասված է.

«նոյեմբերի 14-ին Երևանի քաղաքապետարանը հանրային քննարկմանն է ներկայացրել Երևանի 2019 թվականի բյուջեի նախագիծը: Երևանի ավագանու ԼՈւՅՍ խմբակցությունը մանրամասն ուսումնասիրելով նախագիծը արձանագրում է, որ այն հետընթաց է նույնիսկ ի համեմատ 2018թ. Երևանի բյուջեի, որը այդքան քննադատեց Երևանի ավագանու ԵԼՔ խմբակցությունը և մի շարք հիմնավորումներով դեմ քվեարկեց վերջինիս:

Այսպիսով բյուջեի նախագծում նախորդ տարվա բյուջեի համեմատ իրականացվել են այն փոփոխությունները, որոնց նկատմամբ հրավիրում ենք ձեր ուշադրությունը.

.Պարգևատրումների, դրամական խրախուսումների և հատուկ վճարների բյուջեն նախորդ տարվա 758.5 մլն-ից աճել է մինչև 1 մլրդ 991.4 մլն: Ծախսային այս հոդվածը ավելացվել է 1մլրդ 232.9 մլն դրամով:
.Արտասահմանյան գործուղումների գծով ծախսերի բյուջեն նախորդ տարվա 62.7 մլն դրամից աճել է մինչև 112.7 մլն: Ծախսային այս հոդվածը ավելացվել է 50 մլն դրամով:
.Աշխատակազմի մասնագիտական զարգացման ծառայությունների բյուջեն նախորդ տարվա 9.2 մլն դրամից աճել է մինչև 169.1 մլն: Ծախսային այս հոդվածը ավելացվել է շուրջ 160 մլն դրամով:

Այս ծախսումների ավելացմանը զուգահեռ նվազեցվել են հետևյալ ծախսային հոդվածների համար նախատեսված միջոցները:

.Տրանսպորտի բյուջեն նախորդ տարվա 15 մլրդ 196 մլն-ից նվազել է մինչև 13 մլրդ 275 մլն: Ծախսային այս հոդվածը նվազել է 1 մլրդ 920 մլն դրամով:

.Վերելակների հիմնանորոգման բյուջեն նախորդ տարվա 108.7 մլն-ից նվազել է մինչև 30.7 մլն: Ծախսային այս հոդվածը նվազել է 78 մլն դրամով:
.Կանաչ տարածքների հիմնման և պահպանման բյուջեն նախորդ տարվա 1 մլրդ 669 մլն-ից նվազել է մինչև 1 մլրդ 93 մլն: Ծախսային այս հոդվածը նվազել է 576 մլն դրամով:
.Փողոցների լուսավորման բյուջեն նախորդ տարվա 4 մլրդ 538 մլն-ից նվազել է մինչև 3 մլրդ 565 մլն դրամ: Ծախսային այս հոդվածը նվազել է շուրջ 1 մլրդ-ով:
.Բնակարանային շինարարության և կոմունալ ծառայությունների բյուջեն նախորդ տարվա 3 մլրդ 28.8 մլն-ից նվազել է մինչև 2 մլրդ 857.5 մլն: Ծախսային այս հոդվածը նվազել է 171 մլն դրամով:

Աշխատակազմի վրա ծախսվող գումարների ավելացումը պետք է տեղի ունենար օպտիմալացման արդյունքում և ոչ թե հարկատուների կողմից վճարվող գումարներից՝ թվաբանական ավելացմամբ:

Իհարկե բազմաթիվ կարևոր ծախսային հոդվածներ, որոնք մշտապես պահանջել են մեծ միջոցներ՝ ավելացվել են: Սակայն մենք ներկայացնում ենք քաղաքային տնտեսության այն կարևորագույն բաղադրիչները (տրանսպորտ, վերելակներ, կանաչապատում, փողոցների լուսավորություն, բազմաբնակարան շենքերի պահպանում) որոնցից բխում է քաղաքի զարգացումը և անվտանգության պահպանումը և որոնց ծախսերի կրճատումը անհիմն է ու չի կարող կոմպենսացվել ծախսային այլ կարևոր հոդվածների մեծացմամբ:

Երևանի ավագանու ԼՈւՅՍ խմբակցությունը այս մասով առաջարկություններ քաղաքապետարանին չի ներկայացրել և չի ներկայացնելու, քանզի ակնհայտ է, որ նման փոփոխությունների իրականացումը կարող էր տեղի ունենալ միայն հստակ քաղաքական որոշման կայացման դեպքում: Այսպիսով մենք դիմում ենք Երևանի բնակիչներին և ավագանու մեր գործընկերներին համատեղ ջանքերով փոփոխելու այս վերաբաշխումները:

Աղբյուր` Panorama.am

Источник: https://www.panorama.am/am/news/2018/12/17/Լույս-դաշինք/2048901