ՀՀ նախագահ Սերժ Սարգսյանը և պետական այցով Հայաստան ժամանած Ռուսաստանի նախագահ Վլադիմիր Պուտինն այսօր այցելել են Գյումրիում տեղակայված 102-րդ ռուսական ռազմակայան:
Նախագահներ Սերժ Սարգսյանն ու Վլադիմիր Պուտինը Հայաստանում տեղակայված 102-րդ ռուսական ռազմաբազայում
Նախագահները ռազմակայանում լսել են հայ-ռուսական միացյալ զորախմբավորման հրամանատարի և ռազմակայանի հրամանատարի զեկույցները, այցելել են ռազմակայանի տարածքում գործող ռուսական եկեղեցի, որից հետո դիտել են նաև կայանի սպառազինությունը, այդ թվում՝ որոշակի նոր նմուշներ։
Սերժ Սարգսյանն ու Վլադիմիր Պուտինը Հայաստանում տեղակայված 102-րդ ռուսական ռազմաբազայում
Գյումրիից ՀՀ և ՌԴ նախագահները մեկնել են Երևան, որտեղ մեկնարկել են ՌԴ նախագահի պետական այցի շրջանակներում նախատեսված պաշտոնական մյուս միջոցառումները:
Սերժ Սարգսյանն ու Վլադիմիր Պուտինը Հայաստանում տեղակայված 102-րդ ռուսական ռազմաբազայում
Հիշեցնենք, որ Ռուսաստանի 102-րդ ռազմաբազան տեղակայվել է 1995 թվականին Գյումրիում: Իրականացնում է մարտական հերթապահություն ԱՊՀ ՀՕՊ Միասնական համակարգի շրջանակներում։ Պայմանագիրը նախապես կնքվել էր 25 տարի ժամկետով, որից հետո 2010 թվականին ՌԴ Նախագահ Դմիտրի Մեդվեդևի այցի ժամանակ այն երկարաձգվել է ևս 49 տարով՝ 2044 թվականը։
Комментариев нет:
Отправить комментарий